“Qəbələ” növbəti mərhələdə!

"Qəbələ"nin 19 yaşadək futbolçulardan ibarət komandası bu gün UEFA Gənclər Liqasının Çempionlar yolunun I mərhələsində cavab oyununa çıxıb.

Futbolxeber.az saytının məlumatına görə, "qırmızı-qaralar" Moldovada "Şerif"in müvafiq yaş qrupu ilə qarşılaşıb.

Qəbələdəki oyunda 1:1 hesablı bərabərliyə razılaşan təmsilçimiz Tiraspolda keçirilən oyunda 3:1 hesablı qələbə qazanaraq növbəti mərhələyə yüksəlib. "Qırmızı-qaralar"  UEFA Gənclər Liqasında mərhələ adlayan ilk klub kimi Azərbaycan futbolu tarixinə düşüb.

Qeyd edək ki, "Qəbələ" növbəti mərhələdə bu gün keçiriləcək  "Herta" (Almaniya) - "Lex" (Polşa) cütünün qalibi ilə qarşılaşacaq.

UEFA Gənclər Liqası

Çempionlar yolu

I mərhələ, cavab oyunu

"Şerif" (Moldova) - "Qəbələ" (Azərbaycan) 1:3

Qollar: Samir Qurbanov, 43 (0:1), Vsevolod Nihaev, 53-pen. (1:1), Samir Qurbanov, 62 (1:2), Dijinari, 63-avtoqol (1:3)

Baş hakim: Timofeos Kristofi (Kipr)

Tiraspol. "Şerif" stadionunun kiçik arenası

İlk oyun - 1:1