Riçard Almeyda: "Öz oyunumla komandama kömək olmağa çalışıram"

Azərbaycan milli komandasının yarımmüdafiəçisi Riçard Almeyda Qazaxıstan çempionatında vurduğu ilk qolu şərh edib.

Futbolxeber.az saytının məlumatına görə, Almeyda “Astana”nın heyətində “Akjayik”ə vurduğu qolu bu cür dəyərləndirib: “Astana”da vurduğum ilk qola görə şadam. Bu qolu komanda yoldaşlarıma, azarkeşlərə və əlbəttə ki, ailəmə həsr edirəm. Təbii ki, hər futbolçu kimi qol vurmaq mənim də xoşuma gəlir. Ancaq konkret nə qədər qol vurmağı qarşıma məqsəd qoymuram.

Mən öz oyunumla komandama kömək olmağa çalışıram. Əgər bu köməkliyi vuracağımla qolla edirəmsə, bu daha da xoşdu. Amma bu meydanda olduğum müddətdə komanda yoldaşlarıma assist etməyimə mane olmur”.