"İnanırdıq ki, "Neftçi"yə qalib gələ bilərik"

Avropa Liqasının birinci təsnifat mərhələsində “Neftçi”nin rəqibi olan “Uypeşt” Macarıstandakı görüşdən 4:0 hesablı qələbə ilə ayrılaraq adını ikinci mərhələyə yazdırdı.

Macarıstan klubunun üzvü Benjamin Balaş Futbolxeber.az saytına açıqlamasında görüş və “Neftçi” haqda fikirlərini bildirib: “Biz Bakıdakı məğlubiyyətdən sonra oyuna çox yaxşı hazırlaşmışdıq. İlk oyundakı məğlubiyyəti unutmaq istəyirdik.

Fikirləşirəm ki, bu bizdə alındı. Oyuna yaxşı əhval-ruhiyyədə çıxdıq. Çünki inanırdıq ki, “Neftçi”yə qalib gələ bilərik. Şadam ki, oyunboyu əla oyun nümayiş etdirib, növbəti mərhələyə adladıq. “Sevilya”nı Macarıstana gətirəcəyimizə görə çox sevinirik”.