"Spartak"ın futbolçusu: "Azərbaycandan mənə heç kim zəng etməyib"

“Spartak”ın əsas komandasına qədər yüksəlmək istəyirəm”.

Bu sözləri Futbolxeber.az saytına açıqlamasında “Spartak”ın əvəzedici heyətinin üzvü Turqay Möhbalıyev deyib.

Əslən azərbaycanlı olan Möhbalıyev hazırda Moskva klubunun əvəzedici heyətində aparıcı oyunçulardan hesab olunur. Rusiyanın U-17 yığmasında çıxış etmiş Möhbalıyev Azərbaycanın aşağı yaş qruplarının məşqçilərinin diqqətini çəkməyib. O, özü də hələ ki, milli komanda haqda düşünmədiyini bildirib: “Xeyr, Azərbaycandan heç kim zəng etməyib mənə.

Düzünü desəm, mən indi yalnız klubum barədə düşünürəm. Əsas məqsədim klubumda inkişaf edib əsas komandaya kimi yüksəlməkdi. Əsas komanda da özümü göstərdikdən sonra milli komanda barədə düşünmək mümkündü. İstənilən halda zamanı gələndə lazım olanı edəcəm”.