"Kukesi"nin sabiq çalışdırıcısı: "Qarabağ" albanlardan bir addım öndədi"

Çempionlar Liqasının birinci təsnifat mərhələsində “Olimpiya”nı mübarizədən kənarkaşdıran “Qarabağ” ikinci mərhələdə “Kukesi” ilə qarşılaşacaq. 2013/2014 mövsümündə “Kukesi”də baş məşqçi kimi fəaliyyət göstərmiş Naci Şensoy Futbolxeber.az saytına açıqlamasında bu görüş haqda danışıb. O, sabiq komandasını deyil, “Qarabağ”ı növbəti mərhələyə şansı görüb:

“Kukesi Albaniyanın kiçik şəhərlərindən biridi. Ona görə də onlar avrokubok oyunlarını Kukesidə yox, Tiranada oynayırlar. Çünki UEFA onların stadionuna lisenziya vermir. Mənim vaxtımda məşqləri belə Tiranada edirdik, oyunları Kukesidə keçirirdik. “Kukesi” – “Qarabağ” cütündə mən “Qarabağ”ı bir addım öndə görürəm. “Kukesi” də “Qarabağ” da hər mövsüm avrokuboklarda iştirak edirlər.

Ancaq “Qarabağ”ın böyük üstünüyü var. “Kukesi” hələ Çempionlar Liqasında qruplara qala bilməyib. “Qarabağ”ın isə bu mənada böyük təcrübəsi var. “Qarabağ” “Kukesi” ilə hər iki matça böyük inamla çıxacaq. Ona görə də şansları 49/51-ə Azərbaycandan yana görürəm. “Qarabağ” Sloveniya çempionunu mübarizədən kənarlaşdırdı, “Kukesi” isə “Valetta”nı. Hər halda Sloveniya futbolu Malta futbolundan üstündü.

Albaniya klublarının əsas özəlliyi bilirsiz nədi? İnadkar və asan təslim olmurlar. Bütün komandaları da xarakterlidi. İstənilən halda hər iki komandaya uğurlar arzu edirəm”.