"Uypeşt" məğlubiyyətində daha çox Roberto Bordin gühankardı"

“Neftçi”nin 0:4 hesablı məğlubiyyəti barədə nə demək olar? Sadəcə olaraq təəssüf ki, belə oldu”.

Bu sözləri Futbolxeber.az saytına açıqlamasında “Neftçi”nin keçmiş hücumçusu Branimir Subaşiç deyib.

Avropa Liqasının birinci təsnifat mərhələsinin “Uypeşt”lə cavab görüşündə 0:4 hesabı ilə uduzan “Neftçi”nin avrokuboklar sevdası erkən bitmiş oldu. “Ağ-qaralar”ın ən yaxşı hücumçularından olmuş “Banya” “Neftçi”nin uğursuzluğu barədə belə danışıb: “Oyunçuların seleksiyasına diqqətlə fikir vermək lazımdı. Oyuna hazırlığa da önəm vermək lazımdı.

Mən əvvəlcə də demişdim ki, baş məşqçini tez-tez dəyişmək olmaz. Əgər Roberto Bordini gətiriblərsə, “Neftçi” buna dözməli və səbr etməlidi. Rəhbərlik özü gətirib onu, ona görə də gözləmək lazımdı. “Uypeşt” məğlubiyyətinin günahkarı kimdi? Əlbəttə ki, oyunçular da günahkardı. Ancaq daha çox günahkar baş məşqçidi”.