"Türkiyə və Hollandiya klublarından təklifim var"

U-21 yığmamızın üzvü Özancan Kökçü yerli mətbuata danışıb.

Futbolxeber.az saytının məlumatına görə, yarımmüdafiəçi komandadan göndəriləcəyi bağlı çıxan xəbərlərə münasibət bildirib: “Yeni baş məşqçimiz gənclərə üstünlük verir. Bu da bizim üçün yaxşı şansdı. “Bursaspor”da uzun müddət qalmaq istəyirəm. Daha sonra isə Avropada oynamaq niyyətindəyəm. Hollandiya və Türkiyə klublarından təkliflərim var.

Amma mənim üçün “Bursaspor”da şans qazanmaq indi daha vacibdi. Yeni mövsümün toplanışı da yaxşı keçir. Fikrimcə, hələ ki, məndə hər şey yaxşı gedir. Ancaq hiss edirəm ki, daha da yaxşı oynaya bilərəm”.