"İnanıram ki, “Neftçi” öz imicini qaytaracaq"

“Neftçi” yeni komadadı, ilk oyuna görə pis oyun olmadı. Komanda hələ tam öz oyununu göstərmədi”.

Bu sözləri Futbolxeber.az saytına açıqlamasında “Neftçi”nin formasını geyinmiş Xaqani Məmmədov deyib.

Vaxtilə “ağ-qaralar”ın aparıcı forvardı olmuş Məmmədov Bakı təmsilçisinin Avropa Liqasının birinci təsnifat mərhələsinin “Uypeşt”lə görüşü barədə danışıb. O, “flaqman”ın növbəti mərhələ şanslarını da dəyərləndirib: “Birinci oyun həmişə çətin olur. İsti də öz sözünü dedi. Əsas odu ki, komandaya qələbə lazım idi, onu da qazandılar. “Neftçi”nin indi qurduğu komanda gələcəyə ümid verir. İnanıram ki, “Neftçi” öz adını, imicini qaytaracaq. Onlar komanda şəklində oyun nümayiş etdirir. Fərdi olaraq isə, Kvame Karikari, Baqali Dabo və Soni Mustivari bəyəndim”.

“Məncə, hesab qaneedicidi. İnanıram ki, “Neftçi” Macarıstanda lap yaxşı oyun göstərəcək və mərhələni keçəcək. “Neftçi” qələbə qazandısa, bu məşqçi işidi. Düşünürəm ki, Roberto Bordin düzgün taktika seçib özünə sərf eliyən nəticə əldə edəcək. “Sevilya” isə “Neftçi”ni qorxutmur, daha da həvəsləndirib məsuliyyətli edir” – deyə, Xaqani Məmmədov fikirlərini yekunlaşdırıb.