"Keşlə" ilə oyunda favorit biz deyilik"

“Baltsan”ın hücumçusu Miloş Lepoviç Futbolxeber.az saytına açıqlama verib.

Malta klubunun üzvü Avropa Liqasının birinci təsnifat mərhələsinin “Keşlə”yə qarşı keçirəcəkləri oyun barədə danışıb: “Artıq üçüncü ildi ki, ikinci dəfə Azərbaycan klubuna qarşı oynayacağıq.

Düzdü, ilk dəfə onlarla oyunların ümumi nəticəsinə görə uduzan tərəf biz olmuşduq. Amma inanıram ki, bu dəfə uğur qazanan tərəf biz olacağıq. Ancaq istənilən halda favorit “Keşlə”di. Biz favorit deyilik. Buna rəğmən biz oyunlara uğurlu nəticə üçün çıxacağıq. Çünki avrokuboklarda uğurlu nəticə qazanmaq istəyirik”.