"Deyə bilmərəm ki, "Səbail" qarşıdakı mövsüm Avropa Liqasında olacaq"

“Məşqlərimiz öz qaydasında gedir. Sabah “Sabah” komandası ilə oynayacağıq. İstirahətdən sonra özümüzə gəlməyə çalışırıq”.

Bunu Futbolxeber.az saytına açıqlamasında “Səbail”in forvardı Ruslan Qurbanov deyib.

O, digər komandaların etdikləri transferlər barədə danışıb. Bununla yanaşı qarşıdakı mövsüm üçün yeni komandasının məqsədlərindən söz açıb: “Bir az öncə gördüm ki, Ronaldo “Yuventus”a keçə bilər. Bu transfer məni təəccübləndirdi.

Özümüzə gəlincə, Aftandil Hacıyevin bizdən tələb etdiyi futbolu oynamalıyıq. Futbol elədi ki, necə olacağını öncədən bilmirsən. Deyə bilmərəm ki, “Səbail” qarşıdakı mövsüm Avropa Liqasında olacaq. Ancaq onu deyə bilərəm ki, biz hər oyuna nəticə üçün çıxacağıq. Sonda biləcəyik ki, biz Avropa Liqasına yollanmağa haqq qazanmışıq, ya yox”.