"Yoxlama görüşlərində uduzmaq təəssüfləndirici olmamalıdı"

"Keşlə”nin yarımmüdafiəçisi Sezar Meza Kolli Futbolxeber.az saytına açıqlama verib.

Paraqvayəsilli italiyalı oyunçu yoxlama oyunlarında qeydə alınan uğursuz nəticələr barədə də danışıb: “Biz hazırlığımızı davam etdiririk. Bu gün də yoxlama görüşü keçirəcəyik. Əvvəlki iki oyunda uduzmuşduq.

Bu gün də “Traktorsazi” ilə oynayacağıq. Fikrimcə, yoxlama görüşlərində uduzmaq çox da təəssüfləndirici olmamalıdı. Əsas odu ki, oyunumuz yaxşı olsun və rəsmi görüşlərdə uğurlu nəticə qazanaq. “Balzan”la görüşə tam hazır olmaq üçün məşqlərimiz davam edir".