"Keşlə" keçilməyəcək rəqib deyil"

“Balzan”ın hücumçusu Andriya Maydevaç Futbolxeber.az saytına açıqlama verib.

20 yaşlı forvard komandasının Avropa Liqasının birinci təsnifat mərhələsində “Keşlə” ilə oynayacağı oyununu dəyərləndirib. Serb futbolçu “Keşlə” ilə görüşlərdə uğurlu nəticə qazana biləcəklərinə inandığını bildirib: “Hazırda hazırlıqlarımız davam edir. Artıq iki yoxlama görüşü keçirmişik və heç də pis təsir bağışlamadıq. “Keşlə” ilə oyuna qədər tam hazır vəziyyətdə olacağıq.

Bu komanda barəsində məlumatım var. Ancaq o qədər də geniş deyil. Əsas odu ki, məşqçilər korpusu bizə “Keşlə” haqda məlumat verəcək. Fikrimcə, Azərbaycan təmsilçisi keçilməyəcək rəqib deyil. Biz bu komandanı keçə bilərik. Sadəcə olaraq ən yaxşı futbolumuzu oynamalıyıq. Necə olacağını görəcəyik. İstənilən halda favoritin “Keşlə” olduğunu düşünürəm”.