"Azərbaycanın gözü "Qarabağ"dadı"

“Bu mərhələdə bütün ölkələrin çempionları olur. Ona görə də heç bir rəqib zəif olmayacaqdı. “Qarabağ”a da Sloveniya çempionu düşdü”.

Bunu Futbolxeber.az saytına açıqlamasında “Qarabağ”dan yeni ayrılan Əfran İsmayılov deyib.

O, Ağdam klubunu çətin görüşün gözlədiyini bildirib: “Təbii ki, Çempionlar Liqasında zəif oyun olmur. Məncə, “Qarabağ”ı çətin və maraqlı görüşlər gözləyir. Ümid edirəm ki, “Qarabağ” “Oimpiya”nı məğlub edər, onlara uğurlar arzu edirəm. Təki “Qarabağ” qalib gəlsin və Azərbaycan xalqını sevindirsin. Çünki belə demək olarsa, Azərbaycanın “gözü” “Qarabağ”dadı.

“Qarabağ”ı təcrübəsi “Olimpiya”dan çoxdu. Ancaq mərhələni keçmək məsələsi haqda heç nə demək olmaz. Çünki mərhələ iki oyundan ibarətdi. Bu istirahətlərdən sonra oyunlar da çətin keçir. Arzu edirik ki, “Qarabağ” keçsin mərhələni. Rəqib “Olimpiya” yox, başqası düşsəydi də oyun çətin keçəcəkdi. Çünki ilk oyunlar hər zaman ağır alınır”.