Asif Məmmədov: "İndiki zamanda futbolda favorit söhbəti yoxdu"

“Qəbələ”nin yarımmüdafiəçisi Asif Məmmədov Futbolxeber.az saytına açıqlama verib.

Komandanın aparıcı oyunçularından olan Məmmədov püşkü dəyərləndirib:

“Proqress” haqda elə də çox məlumatım yoxdu. Ona görə indidən nəsə deməyə də çətinlik çəkirəm. Ancaq mənə elə gəlir ki, dünya çempionatındakı oyunlarda göstərdi ki, hər rəqib güclü rəqibindən xal ala bilər. Ona görə də rəqibin kimliyindən asılı olmayaraq çox ciddi yanaşmalısan istənilən oyuna. Hələ bu oyuna çox vaxtımız var. Yoldaşlıq görüşlərində də özümü yaxşı tərəfdən göstərməliyik ki, bu oyuna da yaxşı hazırlaşaq”.

“İndiki zamanda futbolda favorit söhbəti yoxdu. Şansları 50/50-ə dəyərləndirirəm. İlk oyunun səfərdə ya evdə keçirilməsinin isə, məncə, böyük fərqi yoxdu. Əsas odu ki, istədiyin oyunu oynayasan” - deyə, Asif Məmmədov fikirlərini yekunlaşdırıb.