Ukraynalı: "Qəbələ"nin heyətində unudulmaz oyunlar çox olub"

“Qəbələ”dən ayrılan Vitali Vernidub hələ ki, özünə yeni komanda tapmayıb.

Futbolxeber.az saytına açıqla verən ukraynalı müdafiəçi “Qəbələ”dəki çıxışından danışıb. Bununla yanaşı o, Azərbaycana qayıtmaq ehtimallarından da söz açıb: “Qəbələ”də çox gözəl günlər keçirdim. Komandanın heyətində yaxşı oyunlarımız oldu, Avropa Liqasında iki dəfə qrup mərhələsinə vəsiqə qazandıq. Bunların hər biri unudulmaz anlardı. “Qəbələ” böyük klubdu və mən bu komandanı çox sevirəm. Elə alındı ki, ayrılıq yaşandı. Gələcəkdə "Qəbələ"yə uğurlar arzu edirəm.

Hələ ki, Azərbaycanın heç bir komandasından təklif almamışam. Təklif gəlsə, təbii ki, düşünmək olar. Roman Qriqorçukun yanına “Astana”ya yollanmaq? Xeyr, belə bir söhbətimiz olmayıb”.