Rüfət Dadaşov: "Ehtiyatda oturmaq istəmədim"

Yeni mövsümdən “Proysen Münster” klubunda çıxış edəcək Rüfət Dadaşov Almaniya mətbuatına danışıb.

Futbolxeber.az saytının məlumatına görə, Almaniya üçüncü bundesliqasında oynayacaq millimizin sabiq hücumçusu “Proyssen”dən öncə ikinci liqadan da təklif aldığını söyləyib: “Yayda mən artıq öz sevgilimlə bu şəhərdə oldum. Münster barədə ancaq xoş sözlər eşitmişəm. Düşünmürəm ki, yeni komandada yeni məqsədlər üçün oynamağa öyrəşmək mənim üçün çətin olar. Mən üçüncü liqa klublarına qarşı da oynamışam. Bəli, fiziki cəhətdən hardasa çətin ola bilər. Amma bu mənim üçün problem olmayacaq.

Mənə ikinci Bundesliqa klublarından da təklif gəlmişdi. Ancaq mən daima oynamaq istəyirdim, ehtiyatda oturmaq barədə düşünmürdüm. “Proyssen”in mənə olan marağına görə bu komandanı seçdim”.

(Westline)