"Sənan Qurbanov bizi uşaqlıqdan tanıyır"

“Sənan Qurbanovla işləməyin heç bir çətinliyi olmayacaq. Sənan müəllim çoxdandı ki, “Qəbələ”də işləyir”.

Bunu Futbolxeber.az saytına açıqlamasında “Qəbələ”nin yarımmüdafiəçisi Qismət Alıyev deyib.

Bölgə klubunun gənc futbolçusu komandasının qarşıdakı mövsümdə də çempionluq üçün oynayacağını söyləyib: “Komandada gənc oyunçular var. Sənan Qurbanov bizi uşaqlıqdan tanıyır. Biz də əlimizdən gələni edəcəyik ki, hər şey yaxşı olsun. Hər il çempionluğa oynayırıqsa, bu dəfə də belə olacaq.

Yığma komandada Rəşad Sadıqovun dediyini etməyə çalışıram. Orada da yaxşı futbol göstərməyə çalışırıq. Sənan müəllim neçə ildi əsas komandadadı, cavan oyunçuları da yaxşı tanıyır”.

Sonda isə o, Filip Ozobiçin “Qəbələ”dən ayrılıb “Qarabağ”a keçidinə belə şərh verib: “Filipin “Qarabağ”a keçidi öz fikridi. Ona karyerasında ancaq uğurlar arzu edə bilərəm”.