“Bordin üçün "Neftçi"də işləmək asan olmayacaq”

"Roberto Bordin adını birincə dəfədi ki, eşidirəm". Bunu  Futbolxeber.az saytına açıqlamasında "Neftçi"nin sabiq futbolçusu Saşa Yunisoğlu deyib.

"Neftçi"nin Avropa Liqasının qrup mərhələsinə vəsiqə qazandığı dönəmdə də çıxış etmiş Yunisoğlu yeni təyinatla bağlı fikirlərini saytımızla bölüşüb.

O, Azərbaycan və Moldova çempionatları arasında müqayisə də aparıb: "Deyirlər ki, Bordin "Şerif"i çempion edib. Moldovada "Şerif"dən başqa səviyyəli komanda yoxdu. Azərbaycan Premyer Liqasında 8 komandanın mübarizə aparmasına baxmayaraq, çempionluq uğrunda mübarizə apara biləcək gücdə olan 4-5 komanda var. Məncə, Bordin üçün "Neftçi"də işləmək asan olmayacaq. Yəqin ki, "Neftçi" rəhbərliyi Bordinin işini ətraflı analiz  edib, sonra ona dəvət göndəriblər".

"Bordin təyinatın uğurlu olub-olmadığını zaman göstərəcək. "Neftçi"yə həm ölkə çempionatında, həm də avrokuboklarda uğurlar arzu edirəm" -  deyə, Yunisoğlu fikirlərini yekunlaşdırıb.