"Qəbələ" "Arsenal"la bərabərə qaldı

Antalyada təlim-məşq toplanışını davam etdirən "Qəbələ” bu gün növbəti yoxlama oyununu keçirib.

Futbolxeber.az saytının məlumatına görə, Roman Qriqorçukun komandası Rusiya təmsilçisi “Arsenal”la qarşılaşıb. Matç 3:3 hesabı ilə başa çatıb.

Qeyd edək ki, Tula təmsilçisi Rusiya Premyer Liqasında 25 turdan sonra 25 xalla 8-ci pillədə qərarlaşıb.

Xatırladaq ki, "Qəbələ" bundan əvvəl Türkiyənin “Akhisar Bələdiyyəspor”u ilə heç-heçə (1:1) edib,  İsveçrə “Sürix”inə uduzub (0:1), Makedoniya “Rabotniçki”nə qalib (2:1) gəlib.

"Qəbələ" (Azərbaycan) - "Arsenal" (Rusiya) 3:3

Qollar: Berxamov, 2 (0:1), Ozobiç, 17 (1:1), Berxamov, 28 (1:2), Monros, 32 (2:2), Bexramov, 45 (2:3), Vernidub, 83 (3:3)

"Qəbələ"nin start heyəti: 22. Dmitri Bezotosnı, 8. Qismət Alıyev, 3. Vojislav Stankoviç, 15. Vitali Vernidub, 34. Ürfan Abbasov, 11. Asif Məmmədov, 14. Cavid Hüseynov, 28. Stiven Monroz, 18. Filip Ozobiç, 9. Baqali Dabo, 10. Ruslan Qurbanov