AFFA-dan cəzalar

Bu gün AFFA İntizam Komitəsinin iclası keçirilib.

Futbolxeber.az saytının məlumatına görə, toplantıda aşağıdakı qərarlar qəbul edilib:

7 oktyabr 2017-ci il, 2017/2018 mövsümündə, Azərbaycan I divizionun II turunun “Xəzər” - “Turan Tovuz” matçında “Xəzər” klubunun 4 futbolçusu sarı vərəqə ilə cəzalandığı üçün klub 80 manat cərimə olunub.

8 oktyabr 2017-ci il, 2017/2018 mövsümündə, Azərbaycan I divizionun II turunun “Şüvəlan” - “Ağsu” matçında “Ağsu” klubunun 4 futbolçusu sarı vərəqə ilə cəzalandığı üçün klub 80 manat cərimə olunub.

Oyunun 79-cu dəqiqəsində “Şüvəlan” klubunun 5 №-li futbolçusu Vadim Abdullayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 20 manat cərimə olunub.

8 oktyabr 2017-ci il, 2017/2018 mövsümündə, Azərbaycan I divizionun II turunun “Mil-Muğan” - “Binə” matçının 90+3-cü dəqiqəsində “Binə” klubunun 5 №-li futbolçusu Kamil Hüseynov ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 20 manat cərimə olunub.