“Qarabağ” rəsmisi: “Rəqiblərin adını eşidəndə adam həyəcanlanır”

“Qarabağ”ın meneceri Asif Əsgərov Çempionlar Liqasının püşkatma mərasimindən sonra Türkiyənin Anadolu Agentliyinə açıqlama verib.

Futbolxeber.az saytının məlumatına görə, o, açıqlamasında püşkdə komandamızın bəxtinə düşən “Çelsi”, “Atletiko” və “Roma”nı dəyərləndirib.

Əsgərov öncə Azərbaycan futbol tarixinə keçdiklərinə görə sevincli olduqlarını bildirib: “Azərbaycan futbolunun tarixinə keçdiyimizə görə xoşbəxtik. Türkiyədə bizi dəstəkləyənlərə də təşəkkür edirəm. Bütün Avropada bizi yalnız qoymadılar. “Kopenhagen”lə oyunlarda Türkiyədən gələn qardaşlarımız da var idi. İki dövlət, bir millər olduğumuzu hər yerdə sübut edirik”.

Əsgərov daha sonra qrupu dəyərləndirib: ““Atletiko”, “Çelsi”, “Roma” kimi klubların adını eşidəndə adam həyəcanlanır. Bacara bildiyimiz qədər komandamızı, ölkəmizi irəli aparmağa çalışacağıq”.