Samir Əliyev: “Azərbaycanda hansı klubun azarkeşi var ki?”

“Səbail” Topaz Premyer Liqasının ikinci turunda “Neftçi” ilə oyundan 1:0 hesablı qələbə qazanıb.

Futbolxeber.az saytının məlumatına görə, komandanın baş məşqçisi Samir Əliyev oyunsonrası mətbuat konfransında ilk öncə qarşılaşma haqda fikirlərini açıqlayıb:

“Ən azı 1 xal üçün meydana çıxmışdıq. Oyunun gedişində əsas məqsədimiz qol buraxmamaq idi. Sevindirici haldrı ki, sonda qələbə qazana bildik. 90 dəqiqə ərzində şanslarımız oldu. Lakin təcrübəsizlikdən həmin epizodları dəyərləndirə bilmədik. Bununla belə, yekunda istəyimizə çatdıq. 60-cı dəqiqədən sonra komanda dayandı. Bu da fiziki problemlərdən irəli gəlir”.

Samir Əliyev son 30 dqiqədə geri çəkilmələrinin səbəbini belə izah edib: “Bunda həm fiziki çatımazlıqlar, həm də “neftçi”nin təzyiqinin rolu oldu. Bizdən çox rəqib qələbə qazanmaq istəyirdi. Bu gün “Zirə” ilə oyundakı ilə müqayisədə daha az müdafiədə səhv buraxdıq”.

“Səbail”in çalışdırıcısı “Səbail”in “Dalğa Arena”da dəstəksiz qalmasının səbəbini belə izah edib: “Azərbaycanda hansı klubun azarkeşi var ki? Premyer Liqada bütün klublarda bu problem var. İstərdik ki, daha çox azarkeş gəlsin”.