Şəmsəddin Abbasov: "Yevlaxa gedən əməkdaşlarımız..."

Topaz Premyer Liqasının II turu çərçivəsində "Kəpəz"in "Zirə"ni hansı stadionda qəbul edəcəyi nəhayət ki, müəyyənləşib.

Futbolxeber.az xəbər verir ki, gəncəli futbolsevərləri yaxından maraqlandıran qarşılaşma Yevlax şəhər stadionunda baş tutacaq. Bəs görəsən, görüş televiziya vasitəsi ilə də azarkeşlərin ixtiyarına veriləcəkmi?

Bu barədə saytımıza danışan "CBC Sport"un baş redaktoru Şəmsəddin Abbasov fanatları sevindirmək istədiklərini bildirdi: "Əməkdaşlarımız Yevlaxa gediblər, orada oyunun canlı yayımlana biləcəyini söylədilər. Baxmayaraq ki, cuzi problemlər var, çalışacağıq ki, onları aradan qaldıraq. Bu da normaldı. Ümumilikdə isə problem yaranmazsa,turun  bütün görüşləri canlı yayımlayacağıq".