"Zirə" Avroliqayla vidalaşdı

Bu gün UEFA Avropa Liqasında II təsnifat mərhələsinə yekun vurulacaq. 

Futbolxeber.az saytının məlumatına görə, turnirdə mübarizə aparan təmsilçilərimizdən ilk olaraq “Zirə” meydana çıxıb. 

Ayxan Abbasovun komandası “Dalğa Arena”da “Astra”nı sınağa çəkib. Matç qolsuz bərabərliklə başa çatıb. İlk matçda 1:3 hesabı ilə uduzan "Zirə" iki görüşün nəticəsinə əsasən turnirdə mübarizəni dayandırıb.

Qeyd edək ki, "Zirə" ilk mərhələdə "Differdanj"ı (Lüksemburq) mübarizədən kənarlaşdırmışdı.

UEFA Avropa Liqası

II təsnifat mərhələsi, cavab oyunu

20 iyul

21:00. "Zirə" (Azərbaycan) - "Astra" (Rumıniya) - 0:0
İlk oyun - 1:3
Hakimlər: Giorgo Vadaçkoria,
Baş hakimin köməkçiları: Zaza Menteşaşvili, Giorgi Elikaşvili
Dördüncü hakim: Qoqa Kikaçeişvili (hamısı Gürcüstan)
Bakı. “Dalğa Arena”