"İlk məqsədimizə nail olduq"

"Rəqibə qələbə lazım idi. Böyük qüvvə ilə hücum edəcəklərini bilirdik. Uşaqlar çox əzmkar mübarizə apardılar. Oyunun keyfiyyətində qüsurlar vardı. Lakin qrupdan çıxmaq üçün lazımı nəticəni əldə etdik. İlk məqsədimiz qrupdan çıxmaq idi, buna da nail olduq".

Futbolxeber.az saytının məlumatına görə, bu sözləri 23 yaşadək futbolçulardan ibarət Azərbaycan milli komandasının baş məşqçisi Yaşar Vahabzadə IV İslam Həmrəyli Oyunlarının qrup mərhələsinin III turunda Mərakeş yığması ilə 0:0 hesablı heç-heçədən sonra söyləyib.

57 yaşlı mütəxəssis bildirib ki, yarımfinalda qarşılaşacaqları Əlcəzair millsinin oyununu analiz edəcəklər: "Əlcəzairin Türkiyə ilə oyununa baxmışdım. Amma o vaxt bilmirdim kimlə düşəcəyik. Matçların görüntüləri var, izləyib, analiz edəcəyik".

Qeyd edək ki, Azərbaycan yığması 5 xalla A qrupunun ikincisi kimi yarımfinala vəsiqə qazanıb. İlk pilləni isə Kamerun millisi tutub.