Şeydayev 79 dəqiqə meydanda oldu

Millimizin hücumçusu Ramil Şeydayev “Jlina”nın heyətində növbəti oyununa çıxıb.

Futbolxeber.az saytının məlumatına görə, həmyerlimizin klubu Slovakiya çempionatının 31-ci turunda öz meydanında “Senitsa”nı qəbul edib.

Meydana start heyətində çıxan Ramil 79-cu dəqiqədə əvəzlənib. Görüş onun komandasının 3:2 hesablı qələbəsi ilə tamamlanıb.

Qeyd edək ki, 28 oyundan sonra 67 xalı olan “Jlina” ən yaxın izləyicisini 13 xal qabaqlamaqla çempionatın vahid lideridir.