Ağabala Ramazanov: “2 yox, 4:0 hesabı ilə qalib gəlməliydik”

“Aqressiv görünməyimiz qələbə qazanmaq istəyindən irəli gəlirdi”.

Futbolxeber.az saytına açıqlamasında bu sözləri IV İslam Həmrəyliyi Oyunlarında yarışan futbol millimizin üzvü Ağabala Ramazanov Səudiyyə Ərəbistanını 2:0 hesabı ilə məğlub etdikləri oyundan sonra deyib.

O, qrup mərhələsində Mərakeşə qarşı keçiriləcək son görüşdə də meydana 3 xal üçün çıxacaqlarını bildirib:  

“Səudiyyə Ərəbistanı ilə oyunda birinci hissədə küləyə qarşı oynayırdıq. İkinci hissədə üstünlüyü ələ aldıq. 2 yox, 4:0 hesabı ilə qalib gəlməliydik. Bunun üçün şansımız da var idi. Lakin yekunda 2 dəfə rəqibi məyus edə bildik.

Artıq növbəti oyunu düşünürük. Mərakeşlə görüşdə ancaq qələbəyə oynayacağıq. Qrupda birinci yeri tutmaq və yarımfinala adlamaq istəyirik”.