Muarem: “Hər şey bitməyib”

Ötən gün Azərbaycan Kubokunda yarımfinal mərhələsinin ilk oyunları çərçivəsində “Qarabağ” səfərdə “Neftçi”ni 2:0 hesabı ilə məğlub edib. Matçdan sonra qonaq komandanın yarımmüdafiəçisi Muarem Muarem  Futbolxeber.az saytının əməkdaşının da suallarını cavablandırıb.

 

Makedoniyalı futbolçu əvvəlcə qələbəni şərh edib: “Düzdür, bu oyuna çox yaxşı hazırlaşmışdıq. Qalib gəldiyimiz üçün xoşbəxtik. Səfərdə iki qol vurmaq bizim üçün böyük üstünlükdür. Amma hər şey bitməyib. “Neftçi”nin də cavab oyununda bizə 2 qol vuracaq gücü var. Diqqətli olmalıyıq. Rəqibi yaxşı təhlil etdik. Sürətli oynadıq, erkən qol vurduq. Bəlkə kənarda asan görünürdü, amma elə deyil”. 

 

O artıq finala vəsiqəni təmin etdiklərini düşünmədiyini bildirib: “Öz adıma deyə bilərəm ki, düşünmürəm. Çünki “Neftçi” son vaxtlar yaxşı futbol sərgiləyir. Beş oyun idi uduzmurdular”.