Muntyanu: “Azərbaycana getməklə səhv etdim”

Bir neçə gün öncə İraqın “Zaxo” klubundan qovulan “Qəbələ”nin sabiq baş məşqçisi Dorinel Muntyanu ölkəsinin mətbuatına açıqlamalar verib. Futbolxeber.az-ın məlumatına görə, karyerası ilə bağlı danışan  rumıniyalı mütəxəssis Azərbaycandan da söhbət açıb.

 

Hazırda işsiz olan 48 yaşlı çalışdırıcı ölkəmizə gəlməklə səhv adddım atdığını deyib: “İşləmək istəyirəm. Bu, Almaniya və ya qızımın işlədiyi Hollandiyada ola bilər. Lakin indiki məqamda, bu, çətin görünür. Çünki orada çox məşqçi iş axtarır. Karyeramla bağlı səhvim Azərbaycan və İraqdan gələn təklifi qəbul etmək oldu. Rumıniya yaxşıdı, burdan təkliflər var. Ancaq maliyyə baxımından problemlər mövcuddur”.

 

Qeyd edək ki, 2014-cü ilin yayında “Qəbələ”nin baş məşqçisi təyin olunan Muntyanu qış fasiləsinə 3 tur qalmış postundan ayrılmışdı. O, uğursuz nəticələrə görə vəzifəsindən uzaqlaşdırlmışdı. Muntyanunun rəhbərliyi altında 8 oyun keçirən “Zaxo” da qələbə qazana bilməyib.