“Qəbələ” üçün Qazaxıstan klubu

Qış fasiləsində Antalyada hazırlıq keçəcək “Qəbələ”nin daha bir rəqibi müəyyənləşib.

Futbolxeber.az saytının sports.kz-ya istinadən verdiyi məlumata görə, Roman Qriqorçukun komandası Qazaxıstan təmsilçisi “Ordabaşı” ilə qarşılaşacaq. Görüş yanvarın 19-da keçiriləcək.

Qeyd edək ki, “Qəbələ” Antalya toplanışı zamanı 5 yoxlama oyununda qüvvəsini sınamağı planlaşdırır. Yanvarın 13-də təmsilçimiz Albaniyanın “Partizani” klubu ilə görüşəcək. “Qəbələ” 5 gün sonra Rumıniya təmsilçisi “Qaz Metan”la üz-üzə gələcək. “Qırmızı-qaralar” ayın 23-də Makedoniyanın “Şkendiya” klubu ilə qarşılaşacaq.