Ərsun Yanaldan son şans: Ramil Şeydayev “Trabzonspor”da qala bilər

"Trabzonspor"un baş məşqçisi Ərsun Yanal futbolçusu Ramil Şeydayevlə bağlı qərarını dəyişib.

Futbolxeber.az saytının məlumatına görə, türk mütəxəssis komandadan göndərməyi planlaşdırdığı millimizin oyunçusuna sonuncu dəfə şans verməyə qərar verib.  Belə ki, o, komandanın qış təlim-məşq toplanışından sonra R.Şeydayevlə bağlı yekun qərarını klub rəhbərliyinə bildirəcək.

Qeyd edək ki, "Trabzonspor"un  sonuncu iclasında R.Şeydayevlə yolların ayrılmağı barədə fikir mübadiləsi aparılmışdı.

Əlavə edək ki, R.Şeydayevi "Samsunspor" və "Giresunspor"un icarəyə götürmək istədiyi iddia edilir.

Mənbə: qol.az