“Zaqatala”dan 57 yaşlı azarkeşə hədiyyə

“Zaqatala” klubunun rəhbərliyi komandanın ən sadiq azarkeşi İnqilab Soltanovu mükafatlandırıb.

Futbolxeber.az saytının Zaqatalaya ezam olunmuş əməkdaşı xəbər verir ki, bir neçə gün əvvəl hamının İnqilab dayı kimi tanıdığı azarkeşin 57 yaşı tamam olub.

Bu səbəbdən də I divizionun XII turu çərçivəsində “Ağsu”ya qarşı keçirilən oyundan öncə “Zaqatala” rəhbərliyi stajlı fanatı mükafatlandırıb. Belə ki, klubun Müşahidə Şurasının sədri Musa Qurbanov “Zaqatala”nın 57 nömrəli formasını səbəbkara təqdim edib.