“Neftçi”nin düşərgəsində 3 yeni legioner

Azərbaycan milli komandasının dünya çempionatının seçmə mərhələsindəki oyunları ilə əlaqədar çempionatda yaranmış fasilədən istifadə edən “Neftçi” heyətini gücləndirmək üçün addımlar atır. Futbolxeber.az saytının məlumatına görə, bu gün 3 əcnəbi futbolçu komandanın düşərgəsinə baxışa gəlib.

31 yaşlı serbiyalı qapıçı Boban Baykoviç "Srvena Zvezda”, "Yedinstvo”, "Radniçki”, "Rad”, "Smederevo”, "Srem Mitrovitsa” klublarının, eləcə də Çernoqoriya "Lovçen”inin və Belçika "Lyers”inin qapısını qoruyub.

Latviyalı yarımmüdafiəçi Aleksandrs Fertovs Latviyanın "Olimp” və "Skonto”, Ukraynanın "Sevastopol” və Polşanın "Korona” klublarında çıxış edib. 29 yaşlı futbolçu Latviya milli komandasının heyətində 35 oyunda meydana çıxıb.

Braziliyalı futbolçu Jonas Enrike Pessalli isə "Qremio”nun yetirməsidir. 26 yaşlı yarımmüdafiəçi Brazliyanın "Qremio Barueri”, Fransanın "Anje” və "Luson” klublarının da şərəfini qoruyub (klub saytı).