Vəli Qasımov: “Mərhələni keçmək çətin olacaq”

“Rəqib təcrübəli komandadır. Sevinirəm ki, “Neftçi” ötən oyunla müqayisədə yaxşı oynadı. Mərhələni keçmək çətin olacaq. Amma bu mərhələni adlasaq, qrupda da oynaya bilərik”. Futbolxeber.az saytının məlumatına görə, bu sözləri “Şkendiya” ilə oyundan sonra “Neftçi”nin baş məşqçisi Vəli Qasımov deyib.

“Neftçi” Avroliqanın II təsnifat mərhələsinin ilk oyununda “Şkendiya” ilə qolsuz bərabərliyə qalıb. Qasımov qələbə qazana bilmədiklərinə görə təəssüfləndiyini gizlətməyib: “Mən də, oyunçularım da istəyirik ki, qələbə qazanaq. Təəssüf ki, yenə qalib gələ bilmədik. Razıyam ki, bu gün ehtiyay oyunçular skamyasında oyunçu çatışmazlığı var Ehtiyatda qalanların əksəri müdafiəçilərdi. Rəqibin heyətində isə güclü futbolçular var. İstəyirdik ki, top buraxmayaq. Bunu bacarsaq da, hücumda lazım olan işi görə bilmədik”.