“Daçiya”ya qarşı öz oyunumuzu göstərsək, qələbə qazanacağıq”

“Komandada hər şey ürəyimcədir. Kollektivə daha tez uyğunlaşmağa çalışıram. “Kəpəz”ə kömək etmək üçün buradayam”. Futbolxeber.az saytına müsahibəsində bu sözləri “Kəpəz”in yeni transferi Renan da Silva Alves deyib.

Braziliyalı müdafiəçi Gəncə klubuna kömək etmək arzusunda olduğunu bildirib: “Kəpəz”ə kömək etmək, komandanın mərhələ adlamasında yardımçı olmaq üçün əlimdən gələni edəcəyəm. Yoxlama oyunlarında pis təsir bağışlamadıq. İndi qarşıdakı “Daçiya” ilə görüşü düşünürük. İlk matçda evdə oynayacğıq. Azarkeşlərin dəstəyi bizi daha da ruhlandıracaq”.

Silva Alves vurğulayıb ki, “Daçiya”nı Bakıda məğlub etmək mümkündür: “Rəqib haqda məlumatım var. Amma “Daçiya”nın oyunu məni çox da maraqlandırmır, əsas öz oyunumuzdur. Öz oyunumuzu göstərsək, qələbə qazanacağıq”.