“Qəbələ” - “Samtredia” oyununu yayımlayacaq kanal müəyyənləşdi

"Qəbələ"ninn Avropa Liqasında Gürcüstanın "Samtredia" klubuna qarşı ev oyunu CBC Sport-la canlı yayımlanacaq. Futbolxeber.az saytının məlumatına görə, bu barədə kanalın saytına CBC Sport-un baş direktoru Volkan Üst açıqlama verib: "Kəpəz"in ardınca, "Qəbələ" klubu ilə də oyunun yayımlanmasına dair danışıqlarımız müsbət nəticə verdi. "Qəbələ" ötən il ölkəmizi Avropa Liqasının qrup mərhələsində təmsil etmiş komandadır. Bilirik ki, "Qəbələ" də Azərbaycanda yetərincə sevilən klublardandır. "Samtredia" ilə oyunlar çox maraqlı keçəcək. Gürcüstan və Azərbaycan futbolu arasında həmişə bir idman rəqabəti olub və bu indi də davam edir. "Qəbələ"yə bu matçlarda uğurlar arzu edirəm. Biz isə öz növbəmizdə oyunun yüksək keyfiyyətdə yayımı üçün əlimizdən gələni edəcəyik".