“Qarabağ” “Yuventus”a çatdı

Milli çempionatlarda davam etməkdə olan ən uzun qələbə seriyaları açıqlanıb. Futbolxeber.az saytının məlumatına görə, dünyanın 10 ən uzun seriyasına malik klubu sırasında Azərbaycan təmsilçisi “Qarabağ” da yer alıb.

Azərbaycan Premyer Liqasındakı son 8 matçda qalib gələn Qurban Qurbanovun yetirmələri İtaliyanın “Yuventus” klubu ilə eyni göstəriciyə malikdi. Turninlilərə çatıb, 9-cu yerə şərik çıxan ağdamlılar yalnız 8 komandadan geri qalır.

Qeyd edək ki, cədvələ 14 turdu xal itirməyən Çexiya “Viktoriya”sı başçılıq edir.

Mənbə: apasport.az