Şeydayev Azərbaycanla oyundan danışdı

Rusiyanın U-21 yığmasının azərbaycanlı futbolçusu Ramil Şeydayev Avro-2017-nin seçmə mərhələsində evdə millimizlə 2:2 bərabərə qaldıqları oyun haqda danışıb. Futbolxeber.az saytının məlumatına görə, Şeydayev matçın ilk hissəsini boşa verdiklərini bildirib:

"İlk hissəni boşa verdik, çox az qol imkanlarımız oldu. Fasilədən sonra oyunumuzu yaxşılaşdırdıq. Ancaq standart vəziyyətlərdən qollar buraxdıq. Ümumiyyətlə, bu, bizim ən problemli cəhətimizdir. Azərbaycanla görüşdə daha diqqətli oynamalı idik".

Qeyd edək ki, bu komandalar arasında Bakıda baş tutan ilk görüşdə millimiz rəqibinə 3:0 hesabı ilə qalib gəlib (qol.az).