AFFA Bədavi Hüseynovun millini kapitanı olmasına aydınlıq gətirdi

Dünən millimizin Qazaxıstana qarşı keçirdiyi yoxlama oyununun gedişində kapitan sarğısının Bədavi Hüseynova verilməsi azarkeşlər arasında narazılıqla qarşılanıb. Futbolxeber.az saytının məlumatına görə, bunu nəzərə alan AFFA rəsmi feysbuk səhifəsində məsələyə aydınlıq gətirib:

- Ötən mövsüm milli komandanın kapitanı Rəşad Sadıqov, vitse-kapitan Rahid Əmirquliyev, ehtiyat kapitan Vüqar Nadirov olub. Növbəti mövsümün əvvəlində kapitan, vitse ve ehtiyat kapitanın adı açıqlanacaq. Dünən keçirilən Azərbaycan-Qazaxıstan beynəlxalq yoldaşlıq oyununda kapitan sarğısı ilə meydana çıxan Rəşad əvəzləndiyindən, kapitan sarğısı baş məşqçinin qərarı ilə millidə ən çox oyun keçirən 2 nəfərdən birinə - Kamran Ağayevə ve Bədavi Hüseynova verilməli idi. Kamranın ikinci hissədə əvəzlənməsi nəzərdə tutulduğundan, kapitan sarğısı Bədaviyə verildi. Qeyd edək ki, bu oyunu Rahid zədəyə görə buraxmalı olub, Vüqar isə milliyə cağırılmayıb.