Elxan Məmmədov: "Millimiz daha 3 yoxlama oyunu keçirəcək"

Mayın 23-dən iyunun 4-dək Azərbaycan millisinin Avstriyada təlim-məşq toplanışı olacaq. Futbolxeber.az saytının məlumatına görə, bu toplanış zamanı üç yoxlama görüşü planlaşdırılır.

Bu barədə jurnalistlərə AFFA-nın baş katibi Elxan Məmmədov məlumat verib.

 Antalyada Azərbaycan - Qazaxıstan (0:1) hazırlıq matçından sonra açıqlama verən baş katib milli komandanın Avstriya toplanışında 3 yoxlama görüşü keçirəcəyini deyib: “Artıq Kanada ilə razılaşmışıq. İkinci rəqib böyük ehtimalla Makedoniya millisi olacaq. Bu dəqiqləşəndən sonra üçüncü sınaqçının da kimliyinə aydınlıq gələcək”.

Mənbə: apasport.az