Prosineçki: "Komandadan narazı deyiləm"

“Ümumilikdə, oyundan narazı qalmadım. Əlbəttə, səhvsiz oynamadıq. Qolu da standart vəziyyətin davamında buraxdıq”. Futbolxeber.az saytının məlumatına görə, bu sözləri millimizin baş məşqçisi Robert Prosineçki Qazaxıstana qarşı baş tutan yoxlama oyunundan sonar deyib.

Xorvat mütəxəssis 0:1 hesablı yenilgini belə şərh edib: “Oyundan əvvəl də dediyim kimi, bu gün daha çox sınaqdan keçirmək istədiyimiz məqamlara diqqət yetirdik. Təəssüf ki, son dəqiqələrdə çox münasib vəziyyətdə qol vura bilmədik. Konkret oyunçulr barədə danışmaq istəmirəm. Hesab edirəm ki, bacarıqlarını tam nümayiş etdirə bilmədilər. Bununla belə, komandadan narazı deyiləm”.