Klublar Komitəsində yeni rəhbər

Bu gün AFFA-nın Klublar Komitəsinin 2015-ci ildəki son iclası keçirilib. Futbolxeber.az-ın məlumatına görə, toplantıda qurumun sədri, “Xəzər Lənkəran”ın vitse-prezidenti Tuyqun Nadirov, Fariz Nəcəfov ("Qəbələ"), Elnur Məmmədov ("Neftçi"), İlqar Axundov ("Rəvan"), Vüqar Aslanov ("Zirə"), Kamran Quliyev ("Sumqayıt"), Fikrət Hüseynov (AZAL), Mehman Allahverdiyev ("Kəpəz") və Rəşad Qasımov ("İnter") iştirak edib.

Toplantının sonunda quruma növbəti il 1 üçün rəhbər seçkiləri keçirilib. Buna qədər komitəsinin rəhbəri olan Tuyqun Nadirov növbəti dəfə seçkidə iştirak etmədiyini bildirib.

Səsvermə mətbuat üçün açıq olub. Yekunda qurumun rəhbəri AZAL-ın vitse-prezidenti Fikrət Hüseynov seçilib. 9 nəfərdən 6-sı ona, 2 nəfər Fariz Nəcəfova, 1 nəfər isə Kamran Quliyevə səs verib.