Rəşad Sadıqov: "İstirahət haqda düşünmürük"

“Qarabağ"ın futbolçusu Rəşad Sadıqov Azərbaycan Premyer Liqasının 17-ci turunda "Sumqayıt"la bərabərə qaldıqları oyunu (2:2) şərh edib. Futbolxeber.az-ın məlumatına görə, o, çempionatdakı ən yaxşı oyunlarından birini keçirdiklərini deyib:

"Sadəcə olaraq qol imkanlarından çox istifadə edə bilmədik. Rəqib isə kiçik səhvlərimizdən istifadə edib iki qol vurdu. Komandam yaxşı futbol oynadı. 90 dəqiqə sürətli oynadıq. Şükürlər olsun ki, məğlub olmadıq. Son anda məğlubiyyətdən qaçdıq".

O, komandaya istirahət lazım olduğunu vurğulayıb: "Hər bir komandaya istirahət lazımdır. Amma hazırda bu haqda düşünmürük. Qarşıda vacib oyun var. Üç gün sonra "Qəbələ" ilə oynayacağıq. Əlimizdən gələni edəcəyik ki, hər şey yaxşı olsun".

R.Sadıqov yan xatt hakiminin qərarları barədə də danışıb: "Yan xətt hakiminə bəzi etirazlarımı bildirdim. Bir-iki epizodda mənə elə gəlir ki, faul yox idi. Futbolda belə şeylər olur".

Mənbə: qol.az