Sergey Zenyov: “Borussiya” elə “Borussiya”dı”

“Çətin oyun oldu. Demək olar ki, 90 dəqiqə ərzində “Borussiya”nın qapısına dəqiq zərbə endirə bilmədik”. Futbolxeber.az-ın Dortmunda ezam olunmuş əməkdaşına açıqlamasında bu sözləri “Qəbələ”nin aparıcı üzvü Sergey Zenyov deyib.

Estoniya millisinin üzvü rəqibin gücünü qabardıb: “Baş məşqçimiz bildirirdi ki, biz meydana 3 müdafiəçi ilə çıxmışıq. Çünki hücuma keçən də hər iki cinah futbolçusu irəli atılırdı. Bu düzülüşün nə dərəcədə düzgün olduğunu  baş məşqçimiz daha yaxşı bilir. “Borussiya”nın gücünü onsuz da bilirdik. Yenə də yaxşı nəticədə ümid edirdik. Lakin meydanda gördük ki, “Borussiya” elə “Borussiya”dı”.