Aleksey Qay: “Deyiləsi heç nə yoxdur”

“Qəbələ”nin yarımmüdafiəçisi Aleksey Qay “Borussiya”ya ilə oyundan sonra Futbolxeber.az-ın Dortmunda ezam olunmuş əməkdaşına müsahibə verib.

- “Borussiya”ya 0:4 hesabı ilə məğlub olduğunuz görüş barədə nə deyə bilərsən?

- Nə deyim? Oyun barədə deyiləsi heç nə yoxdur. Məğlubiyyətdən sonra söz tapmaq çətindi.

- Yenilgini nə ilə əlaqələndirmək olar?

- Oyuna ciddi hazırlaşmışdıq. “Borussiya”ya qarşı müqavimət göstərmək istəyirdik. Matçın əvvəlində buna nail olduq. Lakin sonradan rəqib hesabı açmaqla daha üstün oynamağa başladı və istədiyi nəticəni qazandı.

- Bu gün “Krasnodar” da PAOK-a qalib gəldi. Söyləmək olar ki, “Qəbələ”nin artıq qrupdan çıxmaq şansı tükənib?

- Qarşıdakı 2 oyunda da məqsədimiz eynidir. Həm PAOK, həm də “Krasnodar”la görüşlərdə uğur qazanmağa çalışacağıq.

- Bu, realdı?

- Məqsədimiz əvvəlki kimidir. Istəyimizin baş tutub-tutmayacağını isə zaman göstərəcək.

- Sabah (bu gün-red.) ad gününüzdür. Belə gündə Aleksey Qay özünə qələbə hədiyyə edə bilmədiyi üçün çox məyusdu?

- Təbii ki, belə bir gündə qələbə qazanmağı hər kəs istər. Lakin buna nail olmadıq. Əsas odur ki, komandada hər kəs sağlamdır, ciddi problem yoxdur.

- Əvvəlcədən sizi ad gününüz münasibəti ilə təbrik edirik.

- Təşəkkür edirəm, minnətdaram.