“Qəbələ” Dortmundda dəstəksiz qalmadı

Bu dəqiqələrdə “Qəbələ” Avroliqanın qrup mərhələsinin dördüncü turu çərçivəsində səfərdə “Borussiya” ilə qarşılaşır. Futbolxeber.az-ın Dortmunda ezam olunmuş əməkdaşının verdiyi məlumata görə, təmsilçimizə çətin səfər oyununda dəstəksiz qalmayıb. Belə ki, “Siqnal Iduna Park”da “Qəbələ”ni 100-dən artıq azarkeş dəstəkləyir. Onlar arasında həmyerlilərimizlə yanaşı, Almaniyada yaşayan türklər də var. Azarkeşlər tribunada Azərbaycan və Türkiyə bayraqları açıblar. Qeyd edək ki, stadionda “Qəbələ”ni dəstəkləyənlər fanatlara bileti klub rəhbərliyi təqdim edib.