Rəşad Sadiqov: “Milanda olduğu kimi, Dortmunda da uğurlu nəticə qazana bilərik”

“5 il əvvəl burada “Qarabağ”la birgə keçirdiyimiz oyunu unutmuşam. Təbii ki, yaddaqalan anlar da var. Bu baxımdan azarkeşlərin dəstəyini qeyd etmək olar”. Futbolxeber.az-ın Almaniyaya ezam olunmuş əməkdaşının verdiyi məlumata görə, bu sözləri “Qəbələ”nin üzvü Rəşad Sadiqov deyib.

Təcrübəli yarımmüdafiəçi sabahkı matçda uğurlu nəticə qazanmaq üçün əllərindən gələni edəcəklərini bildirib: “Milanda olduğu kimi, Dortmunda da uğurlu nəticə qazana bilərik. Qrupda daha əvvəl keçirdiyimiz 3 oyunda yaxşı təsir bağışlamışıq. Sadəcə, 3 oyunun heç birində qələbə qazana bilməmişik. Düşünürəm ki, burda da uğur qazanmağımız mümkündür. Yaxşı komandamız var. Hər birimiz sabah meydana uğur qazanmaq üçün çıxacağıq”.