Sergey Zenyov: “Dortmunddan uğurlu nəticə ilə qayıdacağımıza inanıram”

“Borussiya” ilə oyunumuzun çətin keçəcəyi şübhə doğurmur. Hazırda bu komanda əla formadadı”. Futbolxeber.az-ın Almaniyaya ezam olunmuş əməkdaşının verdiyi məlumata görə, bu sözləri “Qəbələ”nin aparıcı üzvü Sergey Zenyov deyib.

Estoniya millisinin üzvü çətin də olsa, səfər qələbəsinə inandığını bildirib: “Təbii ki, səfərdən uğulu nəticə ilə qayıdacağımıza inanıram. “Borussiya” hər nə qədər güclü olsa da, onları məğlub etməyimiz mümkündür. Bakıdakı ilk görüşdə matça yaxşı başlamışdıq. Qol epizodlarımı olsa da, onları dəyərləndirə bilmədik. Ümid edirəm ki, sabah ələ düşən imkanlardan yararlanacağıq”.