“Qarabağ” - “Monako”: rumın hakimin idarə etdiyi oyunlarda nə qol vura bilirik, nə də...

Avroliqanın qrup mərhələsinin dördüncü turu çərçivəsində keçiriləcək “Qarabağ” - “Monako” oyununu rumın hakim Pavel Kristian Balajın idarə edəcəyi barədə xəbər vermişdik. Futbolxeber.az-ın məlumatına görə, 44 referi Azərbaycan təmsilçiləri üçün uğursuz hakimdir. Belə ki, onun idarə etdiyi oyunlarda komandalarımız nə qol vura bilir, nə də qələbə qazanır.

2005-ci ildə Balaj 21 yaşadək futbolçular arasında baş tutan Polşa - Azərbaycan görüşünü idarə edib. Həmin oyun yığmamızın 0:3 hesablı yenilgisi ilə tamamlanıb.

2010-cu ildə rumın referi “Borussiya” - “Qarabağ” matçının baş hakimi olub. Ağdam klubu Dortmunddan 0:4 hesablı yenilgi ilə qayıdıb.

Ötən il isə Balaj “Neftçi” - “Çixura” matçında iş başında olub. Həmin görüş qolsuz heç-heçə ilə tamamlanıb.