“Qəbələ” - “Kəpəz” matçı niyə yayımlanmır?

Premyer Liqanın XI turu çərçivəsində keçirilən və dünən qatı duman səbəbindən 29-cu dəqiqədə yarımçıq dayandırılan “Qəbələ” - “Kəpəz” matçı bu gün davam etdirilir. Futbolxeber.az-ın məlumatına görə, matçın “CBC-Sport” vasitəsi ilə canlı yayımı yarımçıq dayandırılıb. Buna səbəb Qəbələdə müşahidə olunan qatı dumandı. Əlverişsiz hava şəraiti yayıma da təsir göstərib. “CBC-Sport”dan bildirilib ki, bu cür şəraitdə oyunu efirə verməyi tamaşaçıları hörmətsizlik hesab edirlər. 

Qeyd edək ki, “Qəbələ”də ilk hissə artıq başa çatıb. Fasiləyə “Kəpəz” öndə yollanıb - 1:0.